OpenAI-in ChatGPT Pro sum enkawlna pui thei tur siam

OpenAI chuan ChatGPT Pro hmangtute tan mahni sum leh pai dinhmun thlithlaina tur (personal finance tools) an tlangzarh thar tih an puang. He hmanraw thar hi tunah rih chuan U.S. lama subscribe-tute chauh hman theih turin an la chhawp chhuak rih thung.

He financial tool thar hian sum lak luh leh hman dante, thil hrang hranga subscription leh leiba rulhnate chu bank account hrang hrangte awlsam taka thlunzawmin felfai takin a chinchhiah pui dawn a ni. OpenAI hian financial connection service lar tak 'Plaid' an thawhpui a, hemi hmang hian bank leh financial institution 12,000 chuang zet chu thlunzawmin khawih tel theih a ni dawn bawk.

ChatGPT hi mahni sum hmanna tihdanglam dan bakah, sum hman kan duh dan tur ruahmanna siam pui dan thlenga pui turin a hman theih tawh dawn bawk. User-te chuan an duh hunah account thlunzawmna hi an tihtawp leh theih bakah, an data-te chu ni 30 hnuah nuai bosak vek an ni ṭhin dawn a ni.