LEHKHABU BAWM: R.L. Kamlala Chanchin leh Hlate lehkhabu tlangzarh

Pathian thu a hril avanga kahhlum an tum hial, Pathian chhanhimna danglam tak dawngtu, hla phuah thiam leh Pathian thu hriltu ropui 'R.L. Kamlala chanchin leh a hlate' tih K. Malsawmtluanga ziak chu kar liam ta khan Rev. Dr. Lalsawma In, Mission Vengthlangah Rev. Zosangliana Colney chuan a tlangzarh. Tlangzarhna inkhawm hi Dr. H. Laldinmawia chuan a kaihruai a, F. Vanlalrochana'n lehkhabu thlirlawkna neiin, Rev. Dr. R. Vanlaltluanga leh Rev. Dr. C. Rosiama ten thu an sawi bawk.

'Aw Ropui Ber Haleluiah' tih hla leh hla dang tam tak phuahtu R.L. Kamlala hi lehkhathiam hmasa a ni a, Pathian thlarau hruaina avangin harsatna tam tak a tawk a, Jail-ah te khung a ni a, kahhlum tum a ni bawk. Heng chanchin leh a chanchin hrang hrang chu he lehkhabu-ah hian ziak a ni a, Rs. 300 man a ni.