The Rock fanuin WWE luhchilh

Dwayne Johnson fanu kum 18 mi Simone Johnson chuan a pa hnung zui turin Orlando-a World Wrestling Entertainment (WWE) Performance Center-ah WWE Superstar nih tumin training a nei ve ta.

Simone hi wrestling khawvela vawi 10 lo champion tawh, The Rock tia hriat lar, Dwayne Johnson a fanu upa ber a ni. 

WWE a luhchilh thei tur hi a lawm hle a, hun ṭha a nei chu a lawm hle tih sawiin, wrestling chu an chhungkaw tana thil hlu tak a nih thu a sawi bawk.

The Rock-te chhungkua hian wrestling hi an tuipui hle a, Simone pu pa Peter Maivia pawh professional wrestler a ni a, kum 1982 khan a thi. A pu Rocky Johnson pawh professional wrestler lar tho niin thla hmasa khan Florida-ah a thi a ni.  

Simone pawh hi hmeichhe mah nise a pa hnungzui hi a duh a, wrestling khawvela an chhungkaw hmingthanna chu chawmnun zel a duh tih a sawi hial.

WWE lam pawhin Simone-i'n Orlando-a WWE Performance Center-ah training a nei tih hi a tichiang tawh. The Rock pawhin instagram lamah a fanuin WWE a luhchilh chu a lawmpui thu a sawi chhuak ve bawk. 

Kum 2001 August 14 khan Simone Johnson hi Dwayne Johnson (The Rock) leh Dany Garcia-te fa upa ber ni niin turin a lo piang a ni.