'The Brutalist' ah Cate Blanchett leh Selena Gomez

Australian actor leh film producer, Cate Blanchett leh American actress leh singer, Selena Gomez-te chu director Brady Corbet-a film 'The Brutalist' ah an chang dun dawn. Film hi Michael Fassbender chuan a direct dawn a ni.

Blanchett hian Pathiannia Cannes Film Festival-a masterclass an neihah, Brady Corbet nen film siam turin an thawk dun dawn tih sawiin, he feature tharah hian Gomez nen an chang dun dawn tih a sawi bawk. Film kalhmang tur erawh puan a la ni lo a, Corbet chuan 'X-rated' feature kum 1970 hunlai anga chan a ni dawn tih a sawi. Film hi 19th century aṭanga tun hun thlenga chan chhoh a nih dawn bakah eight perf 65mm camera hman a ni ang.

'The Brutalist' script hi phek 165 niin, darkar thum leh a chanvea thui a ni ang. Andrew Morrison chuan Kaplan Morrison production kaltlangin a produce dawn a, film hi Corbet-a feature film palina tur a ni.