Jonas Brothers-in Weekly Podcast tlangzarh

American pop rock trio, Jonas Brothers chuan iHeartMedia nen an thawh dunnain anmahni pual weekly podcast series thar, "Hey Jonas!" tih chu nimin May 20, Nilaini khan an tlangzarh a, iHeartMedia app, YouTube leh audio platform lian dangah dah a ni. He weekly podcast-ah hian Kevin, Joe leh Nick-te chu executive producer an ni.

"Hei Jonas!" ah hian an chhungkaw chanchin, tour an neihnate leh an fan-te la hmuh ngai loh an nuna thil thleng tam tak pholan a ni dawn tih iHeart chuan a tarlang. Podcast-ah hian anmahni hrechiangtu an chhungte leh an ṭhianṭhate pawh an tel dawn a ni. Old-school fan hotlines-in thuchhuah a siamah, podcast ngaithlatute chuan zawhna message an record thei dawn a, an band hian podcast kaltlangin an chhang dawn bawk a ni. Jonas Brothers hian bonus episode leh interview eng emaw zat an tlangzarh bawk ang.