BET Award-ah Cardi B, Kendrick Lamar, Mariah the Scientist langsar

Kumin BET Awards, June 28-a neih tur nomination puan niin, Cardi B, Kendrick Lamar leh Mariah the Scientist-te an langsar hle. Cardi B hian nomination paruk a hmu a, Kendrick Lamar leh Mariah the Scientist chuan nomination panga ve ve an hmu. Doechii, Doja Cat, Clipse, teyana Taylor, Olivia Dean leh Latto-te chuan nomination pali ṭheuh an hmu bawk.

Hei bakah A$AP Rocky, Bruno Mars, Bryson Tiller, Chris Brown, Jill Scott, Kehlani, Metro Boomin, SZA, Tasha Cobbs Leonard, T.I. leh YK Niece-te chuan nomination pathum ṭheuh an hmu bawk. Nominee-te hi BET Voting Academy thlan an ni a; music, media, digital marketing, sports journalism, public relations leh art lama entertainment professional leh influencer hlawhtlingte chawimawina a ni.

Kumin award sem turah hian category thar an siam zingah Fashion Vanguard leh Pulse Award pawh a tel. BET-a EVP, Specials, Music Programming & Music Strategy, Connie Orlando chu executive producer niin, show production company chu Collins Entertainment a ni. Jesse Collins, Dionne Harmon leh Jeannae Rouzan-Clay-te chu executive producer an ni bawk.