North America-ah 'Blood Moon Rite 8' tlangzarh dawn

Vietnam-a Skyline Media leh Eastern Edge Films thawkdun chuan, Vietnamese comedy Japanese cult hit, 'One Cut of the Dead' behchhana siam 'Blood Moon Rite 8' chu North America theatre-ah an tlangzarh dawn. Skyline Media hi Southeast Asia-a sales agent lian ber niin,Vietnamese leh Southeast Asian film 150 chuang an buaipui tawh a ni.

Film hi Phan Gia Linh direct bakah a changtu zingah telin, U.S. leh Canada bakah California, Texas leh Washington-a Vietnamese-te awm tamna hmuna theatre 90 chuangah tihchhuah a ni ang. Film-ah hian comedy legend Van Son chu kum 25 hnuah a inlan leh bawk a ni. A ni bakah Vietnamese-American actor Charlie Nguyen leh Quang Minh, Lien Binh Phat, Le Khanh, Hong Anh, Hua Vi Van leh Lam Thanh My-te an chang bawk. Chanh Phuong Films, Anh Teu Studio leh Sidus And Teu Entertainment-te chu producer an ni. 'Blood Moon Rite 8' ah hian Vietnam-a milarte leh filmmaker eng emaw zat an inlan bawk.