'Emily in Paris' tawp tawh dawn

Netflix show lar, romance comedy-drama Lily Collins channa, 'Emily in Paris' chu season rukna zawhah a tawp tawh dawn tih Netflix chuan a puang. He series en hlawh tak hi Chicago marketing executive Emily Cooper chanchin a ni a, British-American actress Collins chuan kum ruk chhung Emily Cooper lem a chan hnuah season rukna chu a tawpna tur a ni tih video-ah a sawi bawk. Kumin January thla khan show chu season rukna siam a ni dawn tih an lo puang tawh bawk.

Final season-ah hian Ashley Park, Lucas Bravo, Lucien Laviscount, Samuel Arnold leh Bruno Gouery-te pawh an chang dawn a, filming hi Greece bakah Paris leh Monaco-ah neih a ni ang. Tlangzarh hun tur erawh puan a la ni lo. Series writer leh executive producer Darren Star chuan Netflix, paramount leh fan-te chungah lawmthu a sawi bakah, hun hlimawm tak damchhunga theihnghilh tawh loh tur an hmang tih a sawi. 'Emily in Paris' hi kum 2020 khan tlangzarh a ni a, Netflix-ah hian tlangzarh a nih aṭanga ni 11 chhungin view mtd 26.8 a nei thei a ni.