Ed Sheeran-a'n Warner Music chhuahsan

English singer-songwriter leh musician, Ed Sheeran chuan Warner Music-a kum 15 chhung a awm hnuah leh, full-length album pariat a tlangzarh hnuah a chhuahsan ta tih a fan-te hnena newsletter a tihchhuahah a puang. He thu hi company chuan U.K. publication Music Week thuchhuahah an nemnghet bawk.

Sheeran hian kum 2011-a a debut aṭangin album mtd 200 vel a hralh tawh a, a hla 'Shape of You' chuan Spotify-ah stream tld 5 dawn a nei tling bawk. Kum 2017-a a album 'Divide' khan album equivalent unit mtd 40 vel a nei bawk a, khawvela recording artist hlawhtling ber pawl a ni. Sheeran hian U.K. a Warner subsidiary Asyum Records nen thawk dunin, a album te chu U.S. a Warner Atlantic Label kaltlanga tlangzarh ṭhin. A album hmasa lam neitu kha Warner niin, tun hnaia a tlangzarhte erawh ama Gingerbread Man Label ta a ni thung. Sheeran chuan kum 15 chhung Asylum/ Warner nen hlawhtlinna ropui tak an lo neih tawh avanga a lawmthu leh, tunah chuan a nunah ngaih pawimawh tur dang a neih tawh avangin company chu a chhuahsan thu a sawi.