Kate Mansi-i'n 'General Hospital' show chawlhsan dawn

American actress Kate Mansi chuan American daytime television soap opera, 'General Hospital' chu kum thum hnuah a chawlhsan dawn ta. Mansi hian series-ah hian Kristina Corinthos Davis lem a chang a ni. Mansi channa final episode hi kumin June thlaah tihchhuah a ni ang.

Mansi-i'n show a chhuahsan dawn tih hi Pathianni khan Soap Opera Network chuan puangin, soap journalist Stephanie Sloane bakah Mansi leh executive producer leh showrunner Frank Valentini-te chuan an nemnghet bawk. Mansi hi 'General Hospital' show-ah hian kum 2023 aṭang khan chang ṭanin, hemi hma hian NBC-a 'Days of Our Lives' ah a chang ṭhin a ni. Mansi hi 'General Hospital' hmang hian Daytime Emmy Award-ah nikum khan nominate a lo ni tawh bawk.