North America lamah Niall Horan-a'n tour nei dawn

British boyband One Direction member Irish singer Niall Horan chuan nakkum lamah hian Nice to Meet Ya North American Spring 2020 tour a nei dawn.

North America tour a album tihchhuah tum tihlarna tur a ni a, One Direction-a a member pui Louis Tomlinson-a'n kar kal taa world tour a neih tur thu a sawi hnu lawkah, Niall hian tour a neih tur hi a sawi ve leh bawk a ni.

Nakkum April 20 hian Nashville-ah a tour bul a ṭan dawn a, May 20-ah San Jose hmunah a zo fel ang. A ṭhian ṭha Lewis Capaldi leh pop singer Fletcher-te chu a tour neihnaah hian a hruai dawn thu Niall chuan a Instagram-ah a tarlang.