Ht Lalthanzami'n hla thar 'Ka thai Tluangte' a tichhuak hnai
Ṭhazual chart-ah pawh No. 1 lo hauh zak zak tawh Ht Lalthanzami chuan music video thar 'Ka thai Tluangte' tih chu a tichhuak dawn.
'Ka thai Tluangte' hi November 6 hian MDM YouTube channel-ah dahchhuah a ni dawn a, a video pawh hi a hmuhnawm dawn hle. Video hi Johana siamsak niin, recording hi Melody Recording-ah tih a ni a, music hi Lalnunpuia siamsak a ni thung.
He hla hi Pathian rawngbawltu chhungkaw fel takin, an fa naupang zawk an chan hnua nu berin natna khirh tak a tawhna, nu ber dam nana theihtawpa patlingin Pathian a kar hnua a nupuiin a thihsan tak si chungchang a ni dawn.
Mi pakhatin heng natna hrang hrang a tawrh kara Pathiana beiseina a neih a bansan chuang si lohna lam hla a ni.
A music video pawh hi a tak taka thil thleng ang thei bera siam a ni bawk. 'A thlawn mai maw' music video hmuhnawm taka lo siam tawhtu David Zawmliana hmel pawh he music video-ah hian kan hmu leh dawn a, a lemchan thiam zia kan hmu dawn a ni. Video hi Ht Lalthanzami-te khua Leite hmunah a tam zawk hi 'shoot' niin model atan pawh hian Leite khaw tleirawl chhe lo tak takte leh lunglei lama a ṭhian ṭhenkhatte a hmang a ni.