Olivia Rodrigo-i'n a album thar tura tracklist tichhuak

American singer-songwriter Olivia Rodrigo chuan a album pathumna, kumin June 12-a Geffen Records kaltlanga tlangzarh tur 'You Seem Pretty Sad for a Girl So in Love' tracklist a tichhuak.

Tracklist a tihchhuah zingah hian tun hnaia single a tlangzarh, 'Drop Dead' leh 'The Cure' pawh an tel. Album hi section pahnih- 'Girl So in Love' leh 'You Seem Pretty Sad' tiha ṭhen a ni a, section pakhat zawkah hian 'Maggots for Brains' leh 'Purple' tih hlate awmin, 'What's Wrong With Me' leh 'Cigarette Smoke' tih hlate chu pakhat zawkah hian an awm bawk.

Rodrigo hi a album hmasa pahnih 'Sour' leh 'Guts' a a thawhpui producer Dan Nigro nen an thawkdun leh a ni. North America, Europe leh U.K. ah ni 65 chhung 'The Unraveled Tour' a nei dawn bawk a ni.