'Toy Story 5' aw thawhtu zingah Bad Bunny

Puerto Rican rapper leh actor, Bad Bunny chu 'Toy Story 5'-ah Pizza With Sunglasses character-ah a aw a thawh dawn. Disney chuan Bunny hi 'Toy Story 5' ah hian community pakhat backyard shed-a toy ngaihsak hlawh lo zinga pakhat character-ah a aw a thawh dawn tih an sawi.

Bunny bakah Scottish actor Alan Cumming pawhin a aw a thawh dawn tih Disney chuan an sawi. Film-ah hian Tom Hanks, Tim Allen leh Joan Cusack-te pawhin an aw an thawh leh dawn a ni. He animated movie edition pangana hi kumin June 19-ah tlangzarh a ni dawn a, final trailer chu Thawhlehni khan tihchhuah a ni.

Bunny hi musician ngaihven hlawh tak niin, 2026 Super Bowl half-time show-a headline a nih bakah, Spanish ṭawnga album tichhuak zinga Grammy award dawng thei hmasa ber a ni bawk. A album 'Debí Tirar Más Fotos' chu khawvel puma Spotify-a ngaihthlak nasat ber a ni bawk.