Ariana Grande-i'n single thar tichhuak

American singer-songwriter leh actress, Ariana Grande chuan a album thar kumin July 31-a Republic Records kaltlanga tlangzarh tur 'Petal' aṭangin a single 'Hate That I Made You Love Me' a tichhuak. Grande album thar hi kum 2016-a 'Dangerous Woman' album-a a lo thawhpui tawh Ilya nen an produce niin, hla awmte pawh an phuah dun a ni.

Grande hian album thar 'Petal' hi kumin April thla khan a tichhuak dawn tih a lo sawi tawh a, tun thla tir lam khan 'Hate That I Made You Love Me' tih chu a hla phuah tawh zinga a duh ber a ni tih a sawi bawk. He hla hi kum 2024-a a album 'Eternal Sunshine' a a thawhpui Ilya leh Max Martin-te nen an produce a ni. A music video-ah Justin Long inlanin, Thawhṭanni hian an ram huna zing dar 8-ah tlangzarh a ni dawn. Grande hian 'Eternal Sunshine' tour chu June 6 hian Oakland-a Oakland Arena-ah a khuh hawng bawk ang.