Nakkumah 'Rambo' prequel en theih dawn

American war action film, 'John Rambo' prequel chu nakkum June 4 hian tlangzarh a ni dawn tih Lionsgate chuan an puang. 'John Rambo' hi origin story anga chan niin, kum 1982-a tihchhuah Sylvester Stallone channa 'First Blood' hun hmaa thil thleng tarlan a ni ang. A sequel-ah hian kum 1985-a tihchhuah 'Rambo: First Blood Part II', 'Rambo III' (1988), 'Rambo' (2008) leh 'Rambo: Last Blood' (2019) te pawh an tel.

He series hi United States Army Special Forces veteran pakhat chanchin a ni a, Vietnam War-a a thil tawnin a nunah nghawng a neih dante, sipaia a lo ṭan tawh ṭhin hmanga a thiamnain police officer corrupt-te leh hmelmate bakah, drug cartel a beihna tarlan a ni. Film prequel-ah hian Stallone character chu American actor Noah Centineo chuan changin, Major Trautman lemah David Harbour a chang. Film-ah hian Yao, James Franco, Jason Tobin, Quincy Isaiah leh Jefferson White-te an chang bawk.