YouTube-ah Podcast feature thar

YouTube Premium subscriber-te tan hmasawnna thar a thleng leh ta! TechCrunch-in a tarlan danin, YouTube chuan podcast ngaithla duh ṭhinte tan AI recommendation tool leh ‘Auto Speed’ feature thar a rawn chhawp chhuak ta, hei hian thil ngaihthlak a ti awlsam lehzual dawn a ni.

He ‘Auto Speed’ hian mihring ṭawng ran dan azirin playback speed a mil tawk khan a lo in-adjust zung zung thei dawn a, ṭawng zawi lai leh muang lai a pawt chak a, thu pawimawh lai erawh hriat chian theih turin a lo siam rem ṭhin dawn a ni. AI recommendation thar ‘Ask Music’ hmang hian mahni mood leh duh zawng zawn chawp ngai loin, AI-in podcast ngaihnawm tak tak min lo thlan chhuah sak zung zung tawh dawn a, tunah hian Android-ah hman theih tawhin, iOS-ah chuan thla rei lote hnuah a awm ve leh ang.