Mizo Idol Emma MV thar "Nang ngei i lo ni" chhuak ta

Zonet buatsaih Mizo Idol season 8 winner Emmanuel Lalremruata chuan Idol a nih hnua music video a siam hmasa ber, 'Nang ngei i lo ni' tih chu nizan dar 7 khan a tichhuak. Music video thar hi Emma official YouTube channel-ah en theiha dah chhuah a ni.

'Nang ngei i lo ni' tih hla hi Eliza Mapeka phuah a ni a, music production hi Zuala Jahau kutchhuak a ni. Hla mawi taka a lo chhuah theihna tur hian Recording, Mixed leh Mastering-te hi Aeris Record, Mizoram-ah tih a ni a, music video hmuhnawm leh mawi tak hi Dr. Reuben Lalmalsawma kutchhuak niin, Reuben, Samuel kt & Emmanuel-te direct a ni bawk.

Hla mawina tizual tur hian backing vocals lamah Aengi leh Rosalyn-te'n an puih bakah, model-ah Diktawn Miss Chapchar Kut Celestina Hnamte kan hmu bawk. Wardrope lamah Corz Secondhand leh Lady Dianas Inn-te an ṭangkai hle. Music video puitlin theihna tur hian Upa R Vanlallruata and fly, Made by Mizo, leh Fancy Electronics Bazar Bungkawn-te'n an sponsore a ni.