Meta-in 'AI Pendant' siam a tum

Technology khawvelah chanchin thar a awm leh ta. Facebook leh Instagram neitu, Meta chuan ṭhi (necklace) anga awrh theih, Artificial Intelligence (AI) hmanrua ‘AI Pendant’ siam a tum mek tih Techcrunch chuan a tarlang. He hmanrua hian kan ni tina inbiakna lo chhinchhiah thlap thei tur anga ngaih a ni.

He thil hi 'The Information' report atanga hriat niin; Meta-a Wearables lam hotu Alex Himel memo pakhat leak ah, he pendant hi kum thar lama test hman theih tawh anga tarlan a ni. He thil hi kum 2025-a an lo lei tawh, 'Limitless' startup tech hmanga an duan chhuah a ni bawk.

Reality Labs lamin an sum hloh tamtak (USD tld 4 chuang) phuhruk nan leh, hnathawhna hmuna hman zui tur 'Wearables for Work' tih hmasawnna atan he thil hi an buaipui a ni. Chutih rualin, mi mal zalenna (privacy) nghawng pawi thei tur anga ngai ṭhahnem tak an awm thung.