iTunes-ah aespa 'LEMONADE' che ṭha

South Korean girl group aespa album thar, kumin May 29-a tihchhuah 'LEMONADE' chu iTunes-ah a che ṭha hle a, khawvel hmun hrang hrangah No. 1 dinhmun a hauh nghal thei. Album hi tlangzarh a nih aṭanga ni khat hnuah title track chu global chart No 1 ah a in vawrh nghal a ni.

'LEMONADE' hi Worldwide iTunes Album chart-ah No1 niin, ram 19 vela iTunes Top Album chart-ah No 1 a ni bawk. Hei bakah ram 38 vela iTunes Top Albums chart top 10-ah a lang bawk a ni. 'LEMONADE' hi Spotify-ah pawh a che ṭha hle a, kumina Korean girl group album tihchhuah tawh zinga ni khat chhunga stream ngah ber an ni bawk. Spotify-ah hian title track chuan tihchhuah a nih aṭanga ni khat hnuah stream mtd 2.5 nei tawhin, Spotify Global Top Artist chart-a an lan bakah, Spotify Global Top 50 chart-ah an lang bawk a ni. 'LEMONADE' hi tlangzarh a nih niah copy 840,000 an hralh chhuak bawk.