M.I.A. in Kid Cudi court-ah khing

Khawvel huapa hla lar, ‘Paper Planes’ satu British singer leh rapper M.I.A. chuan tun hnaia Kid Cudi ‘Rebel Ragers Tour’ aṭanga hnawhchhuah a nih chu duh loin, California federal court-ah thubuai a thehlut zui. M.I.A. hian Kid Cudi chu USD mtd 2.8 chawi turin a ti bawk.

Contract-ah hian stage-ah a duh duh a sawi thei tur a nih laiin, kumin May thla tir lama Dallas berna show-a politics thil deuh a sawi nia tarlan a nih hnuah Kid Cudi hian tour aṭang hian a hnawtchhuak zui a ni. He tour aṭanga an hnawhchhuah chhan hi ticket hralh hnem hleih theih loh vanga tih lar an tumna hmanrua a ni tiin M.I.A hian a puh let ve thung.

M.I.A. hian hmanni lawkah Donald Trump a thlawp thu a lo sawi tawh bakah, Dallas show-ah hian "Mi hang (brown) Republican voter nih vanga 'cancelled' nih chu ka inring ngai lo" tiin a au chhuak a, mipui lam a ṭhawng hle a ni. Kid Cudi erawh chuan a fanbase-te tana thil pawi sawi chi a nih loh thu a sawi a ni.