'Euphoria' season 3 zawhah tawp tawh dawn

American psychological teen drama television series, 'Euphoria' chu kum sarih chhunga episode 26 tihchhuah a nih hnuah a tawp dawn ta. He HBO show creator, writer leh director Sam Levinson chuan he thu hi New York Times music podcast Popcast-ah a sawi. Season thumna 'In God We Trust' tih chu series hnuhnung ber a ni tawh dawn a ni.

Series-a a changtu ber, Zendaya chuan season thumna zawhah siam belh a nih a rin loh thu interview-ah a lo sawi tawh bawk a ni. Season hnihna leh thumna inkarah kum li chhung tla in, Zendaya leh he series-a a chanpui eng emaw zat chu blockbuster film lian thamah an buai hle bawk a, hei vang hian season thumna pawh tihkhawtlai a ni. Series-ah hian Zendaya bakah Sydney Sweeney, Hunter Schafer, Jacob Elordi leh midang eng emaw zat an chang. Sam Levinson bakah Ashley Levinson, Sara E. White, Kevin Turen, Ravi Nandan leh midang eng emaw zat executive producer an ni bawk.