Dua Lipa leh Callum Turner innei

English singer- songwriter Dua Lipa leh British actor, Callum Turner-te chu May 31 khan London-a Old Marylebone Town Hall-ah an innei. Inneih ceremony-ah hian an ṭhianṭhate leh chhungkaw hnaivaite chauh an tel a ni. An inneihna hmun hi London-a milarte ngainat tak niin, Paul McCartney, Ringo Starr leh Liam Gallagher-te pawhin an lo hmang tawh a ni.

Lipa leh Turner-te hian ni thum chhung Palermo, Sicily-ah wedding event an buatsaih bawk dawn a, he hunah hian Elton John, Charli XCX, Mark Ronson, Donatella Versace leh Simon Porte Jacquemus-te pawh an tel dawn a ni. Lipa leh Turner-te hian nikum khan an inhual thu an lo puang tawh a, Lipa hian British Vogue cover story-ah a puangzar a ni. An pahnih hian kum 2024 January thla aṭang khan inzui ṭanin, Los Angeles-a Masters of The Air premiere after-party-ah mipui hmuhah a vawikhatna atan an inlan dun a ni.