Park Ji Hoon-a'n fan concert zo fel

South Korean singer leh actor, Park Ji Hoon chuan kum sarih hnua fan concert a neih leh hmasak ber a zo fel ta. He concert ''2026 Park Ji Hoon Fan Con [RE:FLECT]' tih hi May 30 leh 31 khan Gyeonggi Province, Goyang-a KINTEX Exhibition Center 1-a Hall 1 buatsaih niin, a fan-te nen hun hlimawm tak an hmang a ni.

Concert ticket pawh hralh zawh vek niin, he concert hi kum 2019-a 'Park Ji Hoon Fan Con Asia Tour [360]' tih buatsaih a nih hnua fan concert a neih lehna hmasa ber a nih avangin a fan-te pawhin an hlut hle. Concert-ah hian 'Blank Effect', 'Serious' leh 'GOTCHA' tih hlate a perform a ni. Ni hnih awh concert-ah hian program hrang hrang hman a ni a, chung zingah chuan birthday-themed activity, tunhnaia a drama channa 'The Legendary Kitchen Soldier' game khelh theihna bakah a fan-te nena inbiakna hun neih a ni bawk.

Park hian a single album, 'RE:FLECT' a hla 'Bodyelse' a perform bakah, Michael Buble hla 'Feeling Good' a sa bawk a ni. Park hi TVING original series, 'The Legendary Kitchen Soldier' ah Kang Sung Jae lemah changin, Tokyo leh Goyang-a fan concert a neih zawh hnuah Asia fan concert tour nei turin a inpuahchah leh mek a ni.