Zoplast Youth Icon 2016 K. Lalthlamuankimi

Intihsiakna a zo a, Rulchawm nula, K. Lalthlamuankimi a sang ber - Eunice Lalngaihsaki leh R. Lallawmsanga ten an tluk zo ta lo.

Zoplast Youth Icon 2016 result puan zanah hian Youth Icon-a thlan tawhte kan hmu a, an zai kan ngaithla bawk. Result puan a ni a, Rulchawm nula, Aizawl Chawnpui Venga innghat, K. Lal≠thlamuankimi chu pakhatna a ni tih puan chhuah a ni a, K. Lalthlamuankimi tan ṭah lo rual a ni lo. Mittui nen a hlawhtlinna a pawm thu leh a lawmzia a sawi a, a sawi chhuak thei lo ṭep hial.

K. Lalthlamuankimi hi Mami tia koh a ni a, kum 18 mi chauh a la ni. A pa hming hi K. Lalmuanpuia a ni a, a nu hi TC Lalsawmkimi a ni. Ani hian Rs. 1,50,000 bakah Lee International chuan Mahindra Rodeo an pe a, Solar House, Mission Veng chuan Solar Inverter full set, watt 500 an pe bawk. Home Free Music-in an kaihhruai a ni a, an kaihruai ṭha e.

Eunice Lalngaihsaki, Republic Vengthlang leh R. Lallawmsanga, Bethlehem Vengthlang te pawhin thilpek an dawng nasa hle. An pahnih hian pawisa fai Rs. 20,000 ve ve an dawng a, chu bakah thilpek dang ṭha tak an dawng. Zoplast chuan a sang pathumte hnenah hian tuizem a pe vek bawk.