Mizoram Music Festival Dec. 29 & 30-ah Sialsuk Tlangah

Arunachal-ah Ziro Festival, Nagaland-ah Hornbill Festival-te kan ti a, music ngaina hnam, zaithiam leh band nei ṭha Mizoram hian music festival lian tham kan nei lo thung. Mahse kumin aṭang chuan music festival lian hi kan nei dawn ta niin a lang a, tunah hian inbuatsaih mek a ni a, zaithiam zai turte pawh eng emaw zat biak fel a ni tawh.

Mizoramin music festival kan neih tur hi 'Mizoram Music Festival' tih a ni a, December 29 leh 30 te khian Sialsuk Tlangah buatsaih a ni dawn. Mizo ṭhalai mai bakah, chhungkua thleng pawha kalna tur chi a ni ang - en/kal man a awm lo!

He festival-a zai tur hian Mizo zaithiam lar ṭhahnem tak chuan ëawí an ti tawh. Stage pawh pahnih siam a ni ang a, pakhat chu chh˚n lama hman tur leh pakhat dang chu z‚n lama hman tur a ni ang.

Zai tur tihchian tawh hi band zingah Albatross, Boomarang, Dreamhunter, Kroashia, The Prophets, Tribal Power, Reverse Tragedy leh Triau Trackx etc. Mimal zaithiamah LilZo, DJ Lalvenhimi, C. Sanga, Israela, Andrew, Thangromawia, Tetei Ralte, Michael M Sailo, Feli Fanai leh TBC Zaithanpuia etc. an ni.

Zai lam ngawr ngawr bakah dance competition a awm dawn bawk a, he intihsiakah hian lawmman ṭha tawk tak a awm dawn. L‚m intihsiak hi Mizo Dance Camp lamten an kalpui ang.

Food Stall a awm dawn a, chu bakah chuan chhungkuaa kal, naupang hruaite tan naupang infiamna tur thlenga buatsaih tum a ni.