Timberlake-a hla, hla chhe ber
Khawvela chanchinbu lar, Time magazine chuan kumin chhunga hla chhe ber, Worst Song of the Year a thlan chhuahah Justin Timberlake-a hla chu hla chhe ber a ni.
Time chanchinbuin hla chhe ber a thlan chhuahah hian Justin Timberlake-a hla ëCanít Stop The Feelingí chu tuma tluk rual lohin pakhatnaah a awm vung mai. He hla hi chart lamah chuan a ṭha viau angin a lang a, khawvel ram hrang hranga chart eng emaw zatah chuan pakhatna chu a ni ngei mai. Amaherawhchu mi zawng zawng hian an lo duh vek hauh lo a lo ni.
Worst Song-ah hian pahnihnaah Meghan Trainor hla ëMomí a awm a, pathumna chu Iggy Azalea hla ëTeamí kha a ni. Fall Out Boy leh Missy Elliot te sak Ghostbusters (Iím Not Afraid) chu palinaah a lang pha a, Machine Gun Kelly hla ëBad Thingsí chu pangana a ni. ëAll About That Bassí kha hlawhtlinpui viau mah se a hnu zelah Meghan Trainor hi a hlawhtling ta vak lo a niang, hla ṭha lo thlan chhuah 10 zingah a hla pahnih lai a lang. Pahnihnaah a hla ëMoní a awm a, pariatnaah ëNOí a awm bawk.