BESY Choir ft. Hmangaihi Krismas music video an tlangzarh

Bible Society zaipawl, BESY Choir chuan Pathianni khan Krismas music video an siam chu an tlangzarh. He Krismas music video hi ëChristmas in Heavení tih kha a ni a, Pathianni chawhnu dar 3 khan Bible House-ah Upa Lalhruaizela, Bible Society Youth Committee president chuan Pathian hnenah hlanin a tlangzarh.

ëChristmas in Heavení tih hla BESY Choir conductor ṭhin Henry Lalmawi≠zuala phuah a ni a, he hla hmangin BESY Choir term hmasa lama miten music video an lo siam tawh bawk. Tuna an siam thar lehah hian T.Vanlalhmangaihi (Hmangaihi) nen a hla kalhmang ṭhen
ṭhen siam danglamin an sa thar leh a ni.

BESY Choir hian an music video siam hi ṭhian, chhungte leh hmangaihte thihna avanga s˚n tawhte leh a ngai≠thlatu zawng zawngteín Krismas hlim taka an lo hman theih nan an hlan. YouTube-ah an dah, YouTube-ah hian BESY Choir hian channel hranpa an nei. LPS leh Zonet-ah te pawh an dah ang. Music Video hi Mawitea (RDS Shots) siam a ni a, Mary Jones Studio, Bible House Building-ah record a ni.

BESY Choir hian album an buatsaih mek a, nakkum, kum 2017 kum tir lama tlangzarh hman an tum a, tuna mi hi English album tur a ni.