Moana a la hlawhtling zel

Movie thar eng emaw zat a chhuak a, North American box office-a top 10 chinah ngawt pawh movie thar eng emaw zat a lang chungin, Disney chhuak Moana chu movie dangin an tluk thei lo, pakhatna a luah leh.

Kar tawp chhung khan Moana hian USD mtd 18.8 lai a lakluh belh leh a, pakhatna a ni. He film, Polynesian-ho thawnthua innghat hi Jennifer Aniston te channa pawhin a kh˚m thei lo. Chawlhkar thum chhung chu pakhatna a luah ta. US pawn aṭangin USD mtd 23.5 lai a lalut bawk a, hengte nen hian USD mtd 238.8 a thawk chhuak tling ta.

Pahnihnaah hian Jennifer Aniston leh Jason Bateman channa, ëOffice Christmas Partyí chu pahnihnaah a awm a, kar tawp chhung khan USD mtd 17.5 lai a lalut.

Harry Potter aṭanga rawn piang, Fantastic Beasts and Where to Find Them chu pathumnaah a awm a, USD mtd 10.8 a lalut leh. Hei pawh hian USD mtd 200 lai a hmu tling ve ta a, a siamtute beisei aiin sum a lalut hnem.

Box office top 10

“Moana” - $mtd 18.8

“Office Christmas Party” - $mtd 17.5

“Fantastic Beasts and Where to Find Them” - $mtd 10.8

“Arrival” - $mtd 5.6

“Doctor Strange” - $mtd 4.6

“Allied” - $mtd 4

“Nocturnal Animals” - $mtd 3.7

“Manchester by the Sea” - $mtd 3.16

“Trolls” - $mtd 3.1

“Hacksaw Ridge” - $mtd 2.3