The Weeknd aiin Various Artist an duh

Kar liam ta khan The Weeknd album thar aiin US mipuite chuan zaithiam hrang hrang zaina album an duh zawk.

US Billboard chart-a pakhatna hi ëThe Hamilton Mixtapeí a ni a, zaithiam hrang hrangte zaina album a ni. Kar liam ta chhung khan copy 187,000 zet an hralh. He album hi musical, Broadway-a chhuah, Hamilton aṭanga siam a ni a, tunlai zaithiam hrang hrangte an zai. Zai zingah hian Sia Furler, John Legend, Kelly Clarkson, Andra Day leh Wiz Khalifa te an tel.

The Weeknd-a album thar ber, Starboy chu pahnihnaah a awm a, a hralh hnem viau tho. Kar liam ta chhung khan copy 151,000 zet an hralh. Krismas album a hralh a kal rih zel a, Krismas album-ah rau rau pawh Pentatonix album ëA Pentatonix Christmasí hi hralh a kal lehzual a, copy 128,000 lai hralh a ni.

Kar liam ta chhung khan album hralh a ṭha hle a, top 5-a langte hian copy nuai khat an hralh tling ṭheuh thei. The Rolling Stones album thar ëBlue & Lonesomeí chu palinaah a rawn lang pha a, copy 123,000 an hralh a, Childish Gambino album ëAwaken, My Love!í chu pangana niin, copy 101,000 an hralh.

Billboard 200

ìThe Hamilton Mixtapeî - Various Artists (187,000)

ìStarboyî - The Weeknd (151,000)

ìA Pentatonix Christmasî - Pentatonix (128,000)

ìBlue & Lonesomeî - The Rolling Stones (123,000)

ìAwaken, My Love!î - Childish Gambino (101,000)

ì24K Magicî - Bruno Mars (58,000)

ìMoanaî Soundtrack - Various Artists (53,000)

ìThatís Christmas to Meî - Pentatonix (53,000)

ìPerfectly Imperfectî- Grace VanderWaal (52,000)

ìKane Brownî- Kane Brown (51,000)