T.O.P-a'n free fan meet and greet buatsaih dawn

South Korean rapper leh musician, T.O.P chuan Japan-a a official Japanese fan community tan free event a buatsaih dawn. TOPSPOT PICTURES chuan T.O.P hian July 9 hian Japan-a Yokohama-a Pia Arena MM-ah free fan meet and greet a buatsaih dawn tih tarlangin, official paid membership neitu mi 10,000 vel an tel dawn a ni.

A agency chuan he event hi T.O.P-a'n a fan-te zinga amah thlawp zui zeltute chunga lawmthu a sawina a nih thu an sawi. Event hi Japanese Hallyu MC Masayuki Furuya chuan a host dawn a, T.O.P chuan a fan-te nen inbiakna leh special program a nei dawn a ni. He fan meet hi T.O.P-a'n a full-length solo album hmasa ber, 'Another Dimension' tih kumin April 3-a a tlangzarh chawilarna kal zel a ni bawk.

A album 'Another Dimension' ah hian hla 11 a awm a, title song pahnih- 'Studio54' leh 'Desparado' te an awm bawk. Album hi iTunes-ah a che ṭha hle a, ram 15-ah No. 1 niin, tlangzarh a nih niah Spotify-ah stream mtd 1.47 a nei bawk a ni. T.O.P hi kum 2006 khan South Korean boy band, Big Bang-ah tel ṭanin, kum 2023 khan a chhuahsan a ni. Hemi hnu hian music bakah lemchan lamah insawrbingin, Netflix series lar 'Squid Game' ah Thanos lemah a chang bawk a ni.