GTA V cheat siamtu 'Hack' A Ni: Gamer tam tak 'Data' put ru

Khawvela video game lar ber pawl ‘Grand Theft Auto V’ (GTA V) 'cheat service' siamtu lar, Atlas Menu chu hack a ni tih TechCrunch in tarlang. He cheats service siamtu computing system chu hack niin, gamer sâng tam tak soft-data an ruk chhuahsak bawk.

He thil thleng hi a lawmawm loh hlea, a chhan chu Atlas Menu hian hmangtu te hnenah an hman dawnin "Data kan venghim vek ang" tiin, mimal thuruk vawn ṭhat (encryption) kawngah rintlak ber an ni a chhalin an lo inzuar a ni. Hetianga hack a ni ta mai hian, khawvel hmun hrang hranga an cheat service lo hmang ṭhintu gamer tam tak a ṭhawng hle.

Data put rute zingah hian gamer-te email address, username, password(scrambled passwords), leh an computer IP address-te a tel nual. He thil thleng hian ṭhalai game khel hrat, a bikin 'cheat' hrat deuhte tan fimkhur a ngai hle tih a tilang chiang hle. He thil a darh rual hian game siamtu Rockstar Games lamin dan loa thil ti ṭhinte laka hremna an pek dan tur thlengin sawi a hlawh chho nghal hle.