July-ah Charli XCX album thar

British singer-songwriter leh actress, Charli xcx chuan Thawhṭanni khan a studio album pasarihna tur 'Music, Fashion, Film' tih chu kumin July 24-ah a tlangzarh dawn tih a puang. Charli hian a Instagram-ah album cover tur pawh post nghalin, hla 11 a awm dawn a minute 30 leh second ngaa thui a ni ang. A album cover hi Aidan Zamiri, John Cale, Marc Jacobs leh filmmaker Martin Scorsese-te shoot a ni.

Charli hian album aṭang hian single pahnih- 'Rock Music' leh 'SS26' tihte a lo tlangzarh tawh bawk a ni. Electro-pop artist hian kum 2024-a 'Brat' album a tihchhuah nen chuan a in ang dawn lo hle tih sawiin, a signature dance beat leh Auto-Tune-te pawh telh a ni dawn lo tih a sawi.