'Cocktail 2' trailer tichhuak

Indian Hindi-language romantic comedy drama film sequel, 'Cocktail 2' chu Thawhlehni khan a trailer tihchhuah a ni. Film-ah hian Shahid Kapoor, Rashmika Mandanna leh Kriti Sanon-te an chang a, Homi Adajania chu director niin, Tarun Jain leh Luv Ranjan-ten an ziak a ni.

Film hi kum 2012-a tihchhuah, 'Cocktail' tih Saif Ali Khan, Deepika Padukone leh Diana Penty-te channa sequel a ni. Trailer-ah hian Kunal (Shahid), Diya (Rashmika) leh Ally (Kriti) te ṭhian pathum chu ram pawna an zin chhuahna tih lan a ni. Kunal leh Diya-te chu nupa niin, hmangaihnain an pathum inkara inthlak danglamna a thlen dan chungchang tarlan a ni bawk.

Film feature music chu Pritam kutchhuak a ni a, hla thute chu Amitabh Bhattacharya phuah a ni thung. Producer-te chu Dinesh Vijan, Luv Ranjan, Pramita R Vijan leh Ankur Garg-te an ni a, kumin June 19 hian theater-ah tlangzarh tum a ni.