iHeartRadio Music Festival-a perform tur puang

Kumin September 18-19 chhunga Las vegas-a T-Mobile Arena-a Capital One-in an buatsaih tur, iheartRadio Music Festival-a perform tur an puan zingah BTS, Benson Boone leh Cardi B-te an tel.

Festival hi Ryan Seacrest chuan a host dawn a, Goo Goo Dolls, Kenny Chesney, Lainey Wilson, Major Lazer, Muse, Snoop Dogg, Weezer leh Zara Larsson-te pawh perform tur zingah telin, festival neih hmain perform tur dang puan belh a ni ang. Kumin iHeartRadio Music festival hi iHeartMedia radio station aṭangin ram chhunga market 150 chuangah pek chhuah a ni dawn, a hmuna tel thei lote tan Disney+ leh Hulu-a subscriber-te chuan live broadcast an en thei dawn a ni.

iHeartRadio Music festival-ah hian genre hrang hranga artist lar ber berte an perform ṭhin a ni. iHeartMedia entertainment president, John Sykes chuan festival chu ropui taka buatsaih an tum tih sawiin, an thawhpui Capital One-a senior director Amit Desai pawhin iHeartMedia nen an thawh dunna hmangin rimawi ngainate tan zan hriatreng tlak leh, live performance ropui tak tak chhawp chhuah an tum tih a sawi bawk.