Idris Elba hnenah 'Knight Bachelor' hlan a ni

Actor, musician, leh activist ni bawk Idris Elba chu Windsor Castle-ah Thawhlehni khan King Charles III chuan 'Knight Bachelor' nihna a hlan. England chawimawina sang hi Elba hnenah hian naupangte tana a charity foundation 'Elba Hope Foundation' kaltlanga a hna thawh ṭhatte vanga hlan a ni.

'Knight Bachelor' hi kum zabi 13-na hunlai aṭang tawha English knighthood chawimawina in hlan ṭhin niin, order of chivalry pawn aṭanga hlan ṭhin a ni thung. Mipa tan bika siam niin hmeichhe tan Knight Bachelor tlukpui chawimawina hi a awm lo thung . Elba chuan a chawimawina dawn chungchang hi Instagram story lamah lawmthu sawi zuiin, a medal dawn thar leh a nupui nen an inkai lai thlalak chu a tarlang tel bawk. Idris Elba hi James Bond thar ni dawn lo mah se UK chhunga knight thar ber a ni ta tho a ni.