'War Machine' sequel siam dawn

Netflix chuan sci-fi military action film Alan Ritchson channa, 'War Machine' sequel an siam leh dawn. Sequel hi Patrick Hughes chuan a direct leh dawn bakah James Beaufort nen script an ziak dun dawn a, Todd Lieberman nen an produce dawn a ni. Producer zingah hian Alex Young pawh telin, Valerie Bleth Sharp chu executive producer a ni ang.

Sequel plot tur hi sawi chian a la ni loa, Amazon Prime Video action thriller series, 'Reacher' star Ritchson pawh a chang leh dawn em tih a la chiang lo bawk. Film hmasaa a changtu zingah Dennis Quaid, Stephan James, Jai Courtney leh Esai Morales-te pawh an chang a ni. 'War Machine' hi kumin March 26-a Netflix-a tlangzarh a nih aṭangin view mtd 139 a nei tawh a, original film entu ngah zinga Top 10-ah lang phain, thla hmasa khan pakuana a ni.