US aiin India ramah Tom & Jerry an tlangzarh hmasa dawn

Febriary 19 hian India ram Cinema-a en theih turin Tom & Jerry film thar tlangzarh a ni dawn a, US aiin kar khatin an tlangzarh hmasa dawn. Tlangzarh hun tur hi Warner Bros. India chuan Ningani khan an social media account lamah an tarlang a ni.

Tom & Jerry hi US-ah chuan February 26-ah an tlangzarh dawn chauh a, cinema-a en theih tura an tlangzarh dawn bakah HBO Max lamah pawh a en theih dawn. India ram bikah chuan English bakah  Hindi, Tamil, leh Telugu-tea en theihin an tlangzarh tel dawn.

India ram hi Tom & Jerry en thei hmasa ber tur erawh kan ni lo a, February 10 hian Netherlands-ah an tlangzarh dawn a, Brazil leh Singapore-ahte pawh India ram aiin an tlangzarh hmasa dawn bawk. Tom & Jerry film tharah hian  Chloë Grace Moret a chang a, Michael Peña, Colin Jost, Rob Delaney, leh Ken Jeong-te nen an chang ho a ni.