Biden-Harris lakluhnaah Lady Gaga

Lady Gaga chuan karleh Nilainia US president thar tur Joe Biden leh a vice president tur Kamala Harris-te lakluhna inkhawm Washington, D.C-a neih turah US National Anthem a sa dawn.

Gaga hian kum 2016 Super Bowl-ah khan 'The Star-Spangled Banner' hi a lo sa tawh a, Presidential Inaugural Committee-in a tarlan dan chuan he hunah hian celebrity A-list inlan tur pawh an awm nual a ni. Biden-Harris lakluh zanah hian primetime special buatsaih a ni dawn bawk a, hei hi Tom Hanks chuan a host dawn a ni.

Lakluh inkhawmah hian Jennifer Lopez pawh a zai dawn nia tarlan niin, rinawmna thutiam lakna chu firefighter Andrea Hall-in a kaihruai dawn a, National Youth Poet Laureate Amanda Gorman chuan poem a sawi dawn bawk.

Biden chhungkaw ṭhian hnai tak Father Leo O'Donovan chu innovation titu tur a ni a, Reverend Dr Silvester Beaman chu malsawm ṭawngṭaina neitu tur a ni thung.

Tom Hanks-a host tur Celebrating America special-ah hian  Jennifer Lopez, Jon Bon Jovi, Justin Timberlake, Demi Lovato leh Ant Clemons-te chu an perform dawn nia tarlan niin  NBC, ABC, CBS, CNN leh MSNBC-te chuan live-in an pe chhuak dawn a ni.

Kum 2017 January-a Trump-Pence inaugu-ration-ah khan Jackie Evancho chuan 'The Star-Spangled Banner' hi a sa thung.