Liam Neeson a upa ta deuh em ni?

Khawthlang media ṭhenkhat chuan action film actor lar Liam Neeson chu action film-ah a chang tawh dawn lo nia tarlang niin, hei hi a upat tawh vang niin an tarlang zui bawk.

Entertainment Tonight-in an kawmnaaha hemi chungchang hi a sawi nia tarlan niin,"Kum 69 kumin hian ka tling tawh dawn. Kumin chhung hian tihtur tlem azawng chu ka la nei, chumi zawh hnu lamah chuan ka chhunzawm tawh lo ang," tiin a sawi a ni.

'Taken' star hian lemchan a chawlhsan dawn thu erawh a sawi lang lo a, action movie chang tur erawh chuan upa deuh a inti tawh a nih hmel. A lemchan thiam avanga chawimawina eng emaw zat dawng tawhtu Neeson hi khawvela lemchan thiam sum lalut tam ber zinga mi a ni a, film a chang tam tawh hle a, heng a film channa tam tak hi khawvela film lar ber ber a ni hlawm a ni.