Mizoram Music Festival ‘Dance Showdown’ buatsaih dawn. Tel tur dance crew an ṭha dawn

Mizoram Music Festival, December 29 leh 30-a Sialsuk tlanga buatsaih turah dance competition neih a ni dawn a, he dance competition ëMMF Dance Showdowní hi Mizorama dance competition neih tawhte zinga ropui ber pawla sawi theih tur a ni dawn.

MMF Dance Show-ah hian lawmman pawh ni khat thil thua intihsiaknaa a ṭhat ber ṭum a ni dawn. Lawmman pakhatna hian Rs. 50,000 leh certificate a keng tel ang a, pahnihnain Rs. 30,000 leh certificate, pathumnain Rs. 20,000 leh certificate a keng tel ang. Dance Showdown bik hi December 29 ah hian neih a ni ang.

He dance competition-ah hian crew, member pali aṭanga pariat inkar angin a tel theih a, audition video leh form te submit tur a ni.

He intihsiaka tel tur hian crew 25 thlan chhuah an ni dawn a, heng crew 25 te hi MMF Sialsuk day stage-ah an l‚m chhuak vek ang a, heta ṭang hian crew panga thlan chhuah an ni ang. Crew 5 te hi night stage-ah intihsiak lehin a thiam thlan chhuah an ni ang.

MMF Dance Showdown hi phuisui zawka kalpui zel tum a ni a, kum dangah chuan Mizoram pawn aṭanga dance crew te an rawn tel theih nan leh judge turte pawh international choreographers leh artists te la chah chhuah theih nana hmalak zel tum a ni.

Tun MMF Dance Showdown atana crew hming pe lut tawhte zingah, Mizorama crew bawn ber ber te an tel nual a, chung zingah chuan kumin chhunga dance competition hrang hranga pakhatna lo ni tawh te leh, India ram huap pawha title lo nei tawh te an tel. Judge tur te hi Alan Rinawma, Mizo Dance Camp Creative Director; Nutei Pautu, Fit In Dance Studio neitu nu leh, Angela Khuma, TFL leh Lil Mizo Champ-te judge tawhtu an ni.

MMF Dance Showdown a tel duh te tan, Mizo Dance Camp Studio, Electric Vengah Rs. 50 in form lakchhuah tur a ni a, December 21 thleng form-te hi lakchhuah theih a ni.