Netflix-ah 'FIFA World Cup' video game

Netflix chuan a gaming industry huang zauhna atan, 'FIFA World Cup Launch Edition' chu June 11 hian a tlangzarh dawn. He video game hi '007 First Light' siamtu Delphi Interactive leh Netflix Games-in FIFA an thawhpuinaa an siam a ni.

'FIFA World Cup' hi streamlined football simulation game tia sawi a ni a, TV-ah Netflix queue-a dahin phone chu controller atan a hman theih dawn a ni. Game hi June 11-a FIFA Men's World Cup khuh hawn a nih rualin tlangzarh ve nghal a ni dawn a, World Cup neih chhungin challenge thar leh feature thar update a ni ang. Game hi Netflix subcriber-te chuan lei ngai loin an khelh theih dawn bakah, user-te chuan QR code an scan hnuah an khel thei ang.

Game enchhinna hi nimin Ningani aṭang khan Brazil-ah neih ṭan a ni a, June 11 aṭang hian territory hrang hranga Netflix game TV feature support naah tlangzarh a ni dawn a, chung zingah chuan US, Canada, U.K., France, Germany, Italy, Mexico, Spain, Austria, Australia, Belgium, Finland, Ireland, Netherlands, New Zealand, Poland, South Africa, Sweden leh Switzerland-te an tel.