Ariana Grande-i'n 'Eternal Sunshine' tour nei ṭan

American singer-songwriter leh actress, Ariana Grande chuan kum ruk leh a chanve hnuah Inrinni zan khan Oakland Arena-ah 'Eternal Sunshine' tour a nei ṭan ta. Tour-ah hian kum 2024-a 'Eternal Sunshine' album a tlangzarh aṭanga a hlate a perform dawn a ni.

Grande hian a album thar 'Petal' tih chu kumin July 31 hian a tlangzarh bawk dawn a, album aṭanga a single 'Hate That I Made You Love Me' tih chu May 29 khan a lo tichhuak tawh. Grande hian tour hi kumin September 1 thleng a nei dawn a, a album thar 'Petal' aṭanga a hlate hi a perform dawn leh dawn loh a la chiang lo thung.

Oakland Arena-a zan thum a perform hnuah, Grande hian L.A.-a Crypto Arena-ah June 13-14 leh Kia Forum-ah June 17-20 chhung a perform bawk dawn a ni. North America-ah Austin, Sunrise, Fl., Atlanta, Brooklyn, Boston, Montreal leh Chicago-ah August 6 thleng show neiin, London-a 02 Arena-ah zan 10 a perform dawn a ni.