Nakkumah 'Final Fantasy VII: Revelation'

Square Enix kutchhuak, 'Final Fantasy VII' remake trilogy 'Final Fantasy VII: Revelation' chu nakkum hian PlayStation 5, Nintendo Switch 2, Xbox Series X leh S leh PC-ah original game kum 30 tlin pualin tlangzarh a ni dawn.

'Final Fantasy VII: Revelation' trailer leh, gameplay footage hmasa ber chu Zirtawpnia Los Angeles-a Dolby Theatre-a Summer Game Fest event-ah premiere a ni a, video game character Vincent Valentine aw thawhtu Matthew Mercer pawh a inlan a ni.

Director Naoki Hamaguchi chuan nakkuma platform hrang hranga 'Final Fantasy VII: Revelation' an tlangzarh tur chu a phur tawh thu leh, kum tam tak fan-ten thlawpna an pek zui zel avangin lawmthu a sawi. 'Final Fantasy VII' original kha kum 1997 January 31 khan tlangzarh a ni a, khami hunlai khan video game project man to ber zinga mi niin, USD mtd 40 vel sen a ni.