IIMC Alumni Association-in Connections Meet buatsaih

Indian Institute of Mass Communication Alumni Association (IIMCAA) chuan Inrinni khan Royale Lalawi Hotel, Aizawlah Mizoram Sub Chapter intawhkhawm, "Connections 2026" an buatsaih. He intawhkhawm hi IIMC Aizawl regional director hlui Lalruatliana Sailo chuan a kaihruai a ni.

He hunah hian nikum December 25-a boral ta IIMC zirlai hlui leh journalist ni bawk, Ezrela Dalidia Fanaipari Fanai, DDK news reporter hriatrengna hun hman a ni a, IIMCAA Posthumous Award 2026 hlan a ni. IIMCAA president leh Mizoram Social Welfare director ni bawk Sushil Singh chuan zirlai hluite chu inlaichinna ṭha vawng nung reng turin a chah a, hun harsa karah pawh inṭawiawm tawn zel a pawimawh thu a sawi.

Kum tina hman ṭhin IIMCAA Connections hi ram pum huapa hmalakna niin, ram chhung hmun hrang hranga IIMC zirlai hluiten state ang zawnga intawhkhawm an buatsaih ṭhin a ni. He hunah hian IIMCAA hruaitu, Mizoram chhunga IIMC zirlai hlui, DIPR, DDK leh Akashvani Aizawl bakah, IIMC Delhi-a training chhuak officer-te an tel a ni.