The Voice A thiam ber chu Sundance

Thawhlehni zan khan The Voice finale neih a ni a, hetah hian a sang pali aṭangin result puan a ni a, pakhatna atana beisei ber tur hriat thiam a har viau a, mahse Sundance hi a thiam a ni, ani hi pakhatnaa puan a ni ta.

The Voice season 11-naah hian winner tura intihsiakah Billy Gilman leh Sundance Head leh We McDonald te chu inel ber tura an ngaih a ni nachungin, Josh Gallagher pawh a zaithiam tho a, mi tam takin thiam an tih We McDonald ai chuan Billy Gilman leh Sundance Head te an langsar ta viau zawk.

Finale-ah hian an performance a ṭha tlang viau a, tichuan Carson Daly, host chuan result a puang ta a ni. Josh Gallagher chu palina a nih thu puan a ni a, mi tam takin awm an ti viau; Billy leh We leh Sundance te aia zaithiam lo deuha an ngaih a ni. Alicia Keys team zinga mi We chu pakhatna a nih mi tam takin an beisei a, amah Alicia Keys ngei pawhin a team
aṭanga pakhatna an awm vawi khatna a nih a beisei a, a beisei ang a thleng dik lo a, We McDonald chu pathumna a ni.

Sundance Head leh Billy Gilman te chauh an awm tawh a, pakhatna an puang ta a, pakhatna hi Blake Shelton-a team-a mi, Sundance Head a ni. Blake Shelton a pui viau zel a, tun hi The Voice-a Blake Shelton-a team-a mi pakhatna an awm vawi ngana a ni ta. The Voice hi season 12-na nei turin an inbuatsaih leh mek a, February 27 aṭang khian neih ṭan leh a ni ang. Adam Levine, Blake Shelton, Alicia Keys leh Gwen Stefani te coach an ni ang.