Daniel Craig a Bond leh mai thei

James Bond lema chan a tum tawh loh thu a sawi chiang viau a, mahse James Bond film siamtute hian a ai awh tur an duh ang an hmu thei a ni a niang, James Bond lemah Daniel Craig a chang leh mai thei.

James Bond film siamtute hian hlawh tam zawk pek hmangin Craig hi an thlem leh nia ngaih a ni a, amah Daniel Craig pawh han USD mtd 50 chung lam a hlawh dawn loh chuan a chang tawh lo ang tih ang zawng deuhin a lo sawi tawh bawk. A hlawh phut zat ang hi an pe ngam dawn a ni mai thei.

James Bond lemah hian tunge chang leh ang tih pawh an inrinsiak a, a ṭhen chuan signature campaign meuh an lo buatsaih hman. Idris Elba ṭantute chuan James Bond midum hmasa ber atan tiin an signature la khawmin an bei a, ani bakah hian Tom Hiddleston te, Michael Fassbender te, Jack Huston te pawh James Bond lema chang tura sawi zinga mi an ni.