Apple-in hmangtu hip lo app-te nuaibo tum

Tech khawvela thawm lian ber pawl, Apple chuan an App Store thenfai hna an thawk dawn tih an sawi. App thar leh a awmsa zinga hmangtu (users) hip lo leh update ngai miah lohte chu an App Store aṭanga paih hmak hmak an ni tawh dawn tih an tarlang.

Apple chuan App Review Guidelines tharah hian app kalphung hman lar tawh tak tak—dating, wallpaper, timer leh fortune telling ang chite chu an thianfai deuh dawn a; hemi piah lamah hian app dang copycat leh hmasawnna hmel hmuh tur awm lo ho pawh an bitum bik dawn a ni. He hmalakna hian thiamna thar leh thil danglam tak chhawp chhuak lo app-te chu App Store-ah hmun an chang tawh lo ang tih a nemnghet. App developer-te tan pawh an thil siamte tuaihnum reng turin an hna a ti hautak chho hle dawn a ni.