Taylor Swift dahsangtu Idris Elba

English actor, producer, musician leh DJ ni bawk Idris Elba chuan American singer Taylor Swift chu a dahsang hle a, thawhpui zel a duh thu a sawi chhuak hial!

Idris Elba leh Swift-te hi British - American musical fantasy comedy-drama film 'Cats'-ah an changdun a, tun hnai khan Golden Globe Award-ah an inlandun bawk. Idris Elba hian a ṭhian hnai tak Taylor Swift hi a dahsang hle a, hahipin a fak a ni. 

Kum 46 mi chuan," Swift hi a hma aṭang daih tawhin ka lo hmelhriat tawh a, a thawhrim zia pawh ka hria a ni. A kianga awm a nuam em em a, a ni nena kan thawkdun thei hi ka inchhuang tak zet a ni," a ti. "Hmeichhe cool tak a ni a, artist ropui tak a ni bawk. A rilru a ṭha em em a, ani nena film kan changdun thei hi ka lawm hle a ni," tiin a sawi bawk. 

Elba leh Swift bakah, Ame­ri­­can singer Jennifer Hudson-te channa musical film 'Cats' hi kumin De­cember thla-a tlangzarh tur a ni dawn a, en chakawm tawh tak a ni.