Cardi B leh Offset an ṭha leh tawh?

American rapper nupa Cardi B leh Offset-te chu an inṭhen aṭanga ni tam pawh a liam hmain an in 'ko haw' leh tawh niin khawthlang media-te chuan an sawi. 

Cardi B leh Offset-te hi nikum December thla khan an inṭhen a, Cardi B hian an inneih zungbun pawh a dahbo rih a ni awm e. A mipa zawkin a nundan ṭhinte sim a, kum tharah rilru thar nen hun hman a tum tawh thu a sawi avangin Cardi B rilru pawh a inlamlet leh ta niin an sawi. 

Hetih lai hian Cardi B hian an inneih zungbun chu mipui hmuhah a la bun chhuak leh lo a, hei hian an inkarah khi a eng emaw a chu a la awm tih a tilangah an ngai. Chutih rual chuan fa an neih tawh avangin an inkar khi hi siam ṭhat thuai an duh ve ve niin an sawi bawk. 

'Bodak Yellow' hitmaker Cardi B hian kum 2019-ah chuan ṭha taka kum bul aṭanga hun hman a tum thu a lo sawi tawh a, 2018 chhunga a thil tawn tam tak ṭangin insiam ṭhatna tur a neih thu a sawi a ni. Cardi B leh Offset-te hi September, 2017 khan an innei a ni.